გინესის რეკორდი

5 გინესის რეკორდი:

ყველაზე ბევრი ნემსი სახეზე და თავში. მათი რაოდენობა 1790 ცალი იყო:

ამ კაცმა ყველაზე ბევრი, კერძოდ კი 10 გველი ჩაიტენა პირში და 10 წამის განმავლობაში ეჭირა:

ამ კაცმა თვალიდან გამოასხა რძე 279,5 სმ-ზე:

გიგანტური ლოკოკინა:

გიგანტური ვაშლი:

,,ხილული მეხსიერება"

ქართულ ფოტოს მრავალსაუკუნოვანი ისტორია ნამდვილდ არ აქვს. საქართველოში პირველი კერძო ფოტოსტუდიები 1840-იან წლებში გაიხსნა. პირველი ქართველი ფოტოგრაფი, რომელსაც საკუთარი სტუდია ჰქონდა იყო ალექსანდრე როინიშვილი (1846-98). 
80-იან წლებში ფოტოსტუდიები ძალიან მომრავლდა. თბილისში დიდი პოპულარობით სარგებლობდა დ. ერმაკოვის სტუდია. ერმაკოვმა იმოგზაურა კავკასიის სხვადასხვა კუთხეში და დიდძალ ფოტომასალას მოუყარა თავი; შეკრიბა საქართველიში მოღვაწე ფოტოგრაფთა ნამუშევრები, დაახარისხა თემატურად და ცალ-ცალკე ალბომებად შეკრიბა. ზოგი მათგანი საზღვარგარეთის მუზეუმებს (პარიზი, ლონდონი) გაუგზავნა, რამდენიმე კი დღეს საქართველოს ხელოვნების მუზეუმის კუთვნილებაა. XIX საუკუნის დამლევს საქართველოში შეიქმნა სრულიად საქართველოს მხატვარ-კალიგრაფების საზოგადოება. იმ დროინდელი ფოტოგრაფია უტილიტარული, ყოფითი ხასიათისა იყო. იშვიათობას წარმოადგენდა განყენებულ თემაზე შექმნილი სურათები. ეს აიხსნება იმით, რომ "ხილული მეხსიერება", როგორც ზოგჯერ ფოტოგრაფიას უწოდებენ, კერძო პირთა ყოველდღიურ საჭიროებას ემსახურებოდა.   
 XX საუკუნის დასაწყისში ხარისხობრივად შეიცვალა ქართული ფოტოგრაფია, სალონური, კამერული თემატიკა შეცვალა სინამდვილის ამსახველმა სურათებმა. გაძლიერდა ფოტოგრაფიის სოციალური ჟღერადობა, გაფართოვდა ფოტოგრაფიული სურათის, როგორც სიმართლის ამსახველი დოკუმენტის ფუნქცია.

ქართულ ფოტოს ისტორიაში ძალზედ მნიშვნელოვანი ადგილი უკავია. სწორედ მისი წყალობით გვაქვს საშუალება ვიხილოთ უძველესი ტაძრები, ნაგებობები, ქუჩები და ყველა ის ადგილი, რომელსაც დღეს სახე სრულად თუ არა მნიშვნელოვნად შეცვლილი აქვს. ყველაზე თვალსაჩინო მაგალითია ,,ძველი თბილისი", რომელსაც სწორედ უნიკალური ფოტოების საშუალებით თუ ვიცნობთ. 

ქართული ფოტოს არქივმა და ისტორიამ საბედნიეროდ შემოგვინახა უნიკალური მასალები, რომლის გაცნობაც შეუძლებელი იქნებოდა, რომ არა ფოტოგრაფია, მაგრამ ამავდროულად უნდა აღინიშნოს, რომ დროთა განმავლობაში უამრავი საინტერესო ფოტომასალა განადგურდა და ჩვენამდე ვერ მოაღწია, რაც ქართული ფოტოს ისტორიისათვის ძალზედ მნიშვნელოვანი დანაკლისია.

წყაროები:

http://www.photomuseum.org.ge

http://www.photolife.com

http://www.interes.ge

http://art.useug.com

http://artgov.ge

ერთი ფოტოს გულისამაჩუყებელი ისტორია

 

ამ ფოტოზე გამოსახული 12წლის გოგონას-ომაიარას ფოტოებმა 1985 წელს მთელი მსოფლიო შეძრა.
1985 წლის 13 ნოემბერს კოლუმბიის ქალაქ არმეროში მოხდა საშინელი კატასტროფა-ამოიფრქვა ვულკანი,დადნა თოვლი და ქალაქ არმეროში საშინელი ტრაგედია მოხდა.დაიღუპა დაახლოებით 23000 ადამიანი.
მაშველებმა აღმოაჩინეს პატარა ომაიარა ყელამდე ტალახში ჩაფლული,ფეხები სახლის ნანგრევებში ჰქონდა გაჩხერილი.მაშველებმა სცადეს წყლის ამოტუმბვა და შემდეგ მისი ამოყვანა,მაგრამ სამწუხაროდ ყველა ცდა უშედეგოდ დასრულდა.გოგონამ ასეთ მდგომარეობაში 3 დღე გაძლო.დიდი ხანი ბინძურ წყალში ყოფნისას რამოდენიმე ვირუსით დაინფიცირდა.ექიმების და მაშველების ჯგუფი უძლური აღმოჩნდა.მესამე დღეს მას უკვე ჰალუცინაციები დაეწყო და შემდეგ გარდაიცვალა…
ეს ფოტო სწორედ სიკვდილამდე რამდენიმე საათით ადრეა გადაღებული.
მისი მეტყველი თვალები ყველაფერს ამბობს…

წყარო:www.svpressa.ru

გია დვალის შესახებ

გიორგი (გია) დვალი (დ. 1963, თბილისი) არის ქართველი მეცნიერი, ფიზიკოსი, რომელმაც 1985 წელს დაამთავრა თბილისის სახელმწიფო უნივერსიტეტის ფიზიკის ფაკულტეტი, 1992 წელს მოიპოვა ხარისხი თბილისშივე თეორიულ ფიზიკაში. ამჟამად არის ნიუ-იორკის უნივერსიტეტის პროფესორი. 2001 წელს მიიღო ნიუ-იორკის მერის მიერ დაწესებული ჯილდო განსაკუთრებული მიღწევებისთვის მეცნიერებასა და ტექნოლოგიაში, რომელიც მას პირადად რუდოლფ ჯულიანიმ გადასცა. 2008 წელს კი მიიღო ჰუმბოლტის პროფესურა.

გია დვალი 15 წელიწადზე მეტია, რაც აშშ-ში, საფრანგეთსა და იტალიაში მოღვაწეობს. მეცნიერი, რომელიც ქართული სამეცნიერო სკოლის ერთ-ერთი თვალსაჩინო წარმომადენელია, საქართველოსთან კავშირს არ წყვეტს და პერიოდულად ჩამოდის ხოლმე.
დღესდღეობით ითვლება მსოფლიო მაშტაბით მეცნიერულ ავტორიტეტად თეორიული ფიზიკის დარგში. ძირითადად მუშაობს ელემენტარული ნაწილაკების ფიზიკის განხრით. მონაწილეობას იღებს დიდი ადრონული კოლაიდერის ექსპერიმენტში.
ფიზიკოსები აცხადებენ, რომ თეორიები, რომლებსაც პროფესორი დვალი თავის კოლეგებთან ერთად ავითარებს, ექსპერიმენტულად დამტკიცების შემთხვევაში, თანამედროვე ფიზიკაში ბევრ რამეს შეცვლის. მისი თამამი ჰიპოთეზები სამყაროს მოწყობას, გრავიტაციის კვანტურ თეორიას და დამატებითი განზომილებების აღმოჩენას შეეხება. მაგალითად, დღემდე ეჭვი არავის შეუტანია ნიუტონის მსოფლიო მიზიდულობის კანონის მართებულობაში, უფრო ზუსტად, ეს კანონი არც მცირე და არც დიდ მანძილებზე არავის გაუზომავს. დვალის (და მისი კოლეგების) თეორიის თანახმად, შეიძლება მოხდეს ამ კანონის მოდიფიცირება მცირე და დიდ მანძილებზე.
მნიშვნელოვანია მეცნიერთა მოსაზრებები დამატებითი განზომილებების თაობაზე. 1998 წელს სტენფორდის უნივერსიტეტის ფიზიკოსმა ნიმ არკანი-ჰამედმა და მისმა კოლეგებმა - გია დვალმა და სავას დიმოპულოსმა შეიმუშავეს ჰიპოთეზა, რომლის თანახმადაც დამატებითი სივრცული განზომილებები შეიძლება აღმოჩნდეს მცირე მანძილებზე. ამჟამად ინტენსიურად ტარდება ცდები ამ ჰიპოთეზის შესამოწმებლად. ამასთანავე, პროფესორმა დვალმა, თავის ქართველ კოლეგასთან, ნიუ-იორკის უნივერსიტეტის პროფესორ გიგა გაბადაძესთან ერთად, თავის ბოლოდროინდელ ნაშრომებში გამოთქვა მოსაზრება, რომ დამატებითი განზომილებები შეიძლება აღმოჩნდეს აგრეთვე დიდ მანძილებზეც, რაც ბოლო დროს აღმოჩენილი უცნაური ფენომენის, სამყაროს აჩქარებული გაფართოების ერთ-ერთი ახსნა შეიძლება იყოს (მეორე შესაძლო ახსნა ბნელი ენერგიის ჰიპოთეზაა). 
დამატებითი განზომილებების არსებობის დასადასტურებლად გია დვალი ჩართულია დიდ ექსპერიმენტებში, რომელიც ითვალისწინებს როგორც დედამიწაზე არსებულ ამაჩქარებლებზე ექსპერიმენტების ჩატარებას, ასევე, მთვარის ორბიტაზე დაკვირვებას (დღემდე მთვარის ორბიტა განსაზღვრულია სანტიმეტრების სიზუსტით, რაც საკმარისი ნამდვილად არ გახლავთ და იგი დამატებითი განზომილებების აღმოსაჩენად მილიმეტრების სიზუსტით უნდა გაიზომოს).
ქართველი ფიზიკოსის კვლევები ფუნდამენტურ მეცნიერებებს განეკუთვნება. გია დვალი კოლეგებთან ერთად ცდილობს პასუხი გასცეს კითხვებს სამყაროს აგებულებისა და მისი ისტორიის შესახებ.
„ჩვენ ვართ ფუნდამენტური მეცნიერების წარმომადგენლები. ეს იმას ნიშნავს, რომ ვცდილობთ ისეთ კითხვებს გავცეთ პასუხები, რომელთაც დღეს გამოყენებითი მნიშვნელობა არა აქვს, მაგრამ მნიშვნელოვანია მეცნიერებისათვის. მაგალითად, როგორი იყო სამყაროს პირველსაწყისი, რისგან შევდგებით ჩვენ და რისგან შედგება სამყარო, რა არის მისი მომავალი, როგორია მატერიის სტრუქტურა, საერთოდ რა ძალები არსებობენ სამყაროში და რამდენ განზომილებიანია ის“, - აღნიშნავს გია დვალი.